Never Meant To Be..

She looked as peaceful as the ocean but no one could see the eternal storm in her soul. Everyone wants to know her closely but not enough to be brave and jump in the middle of the ocean, in her magnanimous heart. Everyone gives up at one point or the other. They suit themselves. Or maybe it is all her fault. She never let anyone in. She is scared of the realities hidden under the masks which is why she had built walls around her. So that the one who would be fearless enough to climb the walls, jump inside and explore all her scars and bruises will surely experience the splendid beauty of that serene ocean. And he was like the sky, constantly fighting the urge to meet the ocean. To naked eyes they meet on the horizon. But nobody knows that it was never meant to be….

Talaash!

Kabhi kabhi insaan har jagah aik chehray ko talash karta hai aur kabhi jab woh chehra samnay ajaye toh usi se dur bhagnay ki koshish karta hai. Kabhi jab insan ko kisi ki zaroorat hoti hai aur woh na nazar aye toh ajeeb si baycheni hoti hai aur kabhi jab wohi qareeb ho toh bohat se darr aur khauf ki wajah se us se dur bhagna chahta hai. Jesay k hasil kar k dobara kho denay ka darr, society ka, aas paas k logon ka darr ya phir apni dunia mein kisi aur ki interference ka darr! Faiz Ahmad Faiz bhi kya kamal likhtay hain k ‘Rahatein aur bhi hain, vasl ki rahat k siwa…’

Insan bhi kya ajeeb makhlook hai na. Khud ko jaan boojh kay bay sukoon rakhta hai aur phir khud he sukoon ki talash mein nikal parta hai. Ab sawal yeh hai k insan kyun chahta hai khud ko bay-sukoon rakhna? Kisi shayar ne kaha k ‘Zindagi gham ka darya hai’ lekin yeh darya bhi toh hamari soch se he paida hua. Jo insan present moment kay shaoor mein rehta hai, woh is bay-sukooni se dur rehta hai. Insan ko dukh kya hain? Kisi cheez kay kho janay ka dukh, maazi ka koi wakeya, daulat, jawani ya shohrat.. koi bhi cheez jo insan kay hath se chali gayi aur ab wapis nahin asakti toh woh insan ka dukh ban jati hai. Zindagi bojh mehsoos honay lag jati hai. Dar-haqeeqat toh yeh bojh hum ne khud he uthaye hain. Zindagi toh aisi nahin thi. Yeh jo hum dukhon kay, shikwon kay, mehroomiyon kay bojh uthaye phirtay hain, yeh bunyadi tor pay toh maazi se taluq rakhtay hain. Phir insan pay bojh hain andeshon kay, anjanay khauf kay jese kay agar aisa na hua toh kya hoga? Lekin jo sukoon paa letay hain woh is sab se agay nikal jatay hain, maazi aur mustaqbil ki fiqar se agay nikal jatay hain. Un kay liye har lamha aik poori zindagi hai, un kay liye har lamha yeh kainaat takhleeq bhi ho rahi hai aur fanaa bhi! Aisa shakhs har lamha sukoon mein hai, rahat mein hai, hairat mein hai.

Magar phir sukoon bhi toh unhi ko milta hai jo bay-sukoon ho chukay hon? Agar mujhay Allah ki yaad mein sukoon milta hai toh phir Allah se doori mein jo bay-sukooni hai dar asal wohi toh mujhe sukoon ki janib kheench kay lati hai. Kya faida k insan ko sari zindagi is sukoon ki talaash he na karni paray? Asal sukoon toh wohi hai jo bay-sukooni kay baad milta hai. Aur phir zindagi ka asal maqsad bhi toh talaash hai na. Talaash-e-zaat, talaash-e-haqeeqat, talaash-e-Ishq!