Meri Zindagi To Firaaq Hai!

Meri Zindagi to firaaq hai, woh azal se dil main makeen sahi
Wo nigah’e_shauq se door hain, rag’e_jaan se lakh qareen sahi

Hamein jaan dainee hai aik din, wo kisi tarah wo kahin sahi
Hamein aap khainchiye daar par, jo nahi koi to hameen sahi

Sar_e_toor ho, sar_e_hasher ho, hamein intizaar qubool hai
Wo kabhi milein, wo kahin milein, wo kabhi sahi, wo kahin sahi

Na ho un pe kuch mera bass nahi, k ye aashqi hai hawas nahi
Mai unhi ka tha, mai unhi ka hoon, wo mere nahi to nahi sahi

Mujhe bhaithne ki jaga milay, meri aarzoo ka bharam rahay
Teri anjuman mein agar nahi,teri anjuman k qareen sahi

Tera dar to hum ko na mil saka, teri rahguzar ki zameen sahi
Hamain sajda karne se kaam hai, jo wahan nahin to yahin sahi

Meri zindagi ka naseeb hai, nahin door mujh se qareeb hai
Mujhay uska gham to naseeb hai wo agar nahin to nahin sahih

Jo ho faisala woh sunaaiye usay hashr pe na uthaiye
Jo karain gay app sitam wahan, wo abhi sahi, wo yehin sahi

Use dekhne ki jo lau lagi tu ‘Naseer’ dekh hi lain gey hum
Wo hazaar aankh se door ho, wo hazaar pardah nasheen sahi

                         

                          ( Pir Naseer Udin Naseer Shah )

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s